சந்திரமுகி 2 படத்தின் முதல் நாள் வசூல்

பி. வாசு இயக்கத்தில் ரஜினிகாந்த் நடிப்பில் கடந்த 2005ம் ஆண்டு வெளியான சந்திரமுகி திரைப்படம் மிகப்பெரிய அளவில் வெற்றி பெற்றது. இதனுடைய இரண்டாம் பாகம் நேற்று வெளியானது.

இதில் ராகவா லாரன்ஸ், கங்கனா, ராதிகா, வடிவேலு உள்ளிட்ட பலர் நடித்துள்ளனர். பெரும் எதிர்பார்ப்புடன் வெளியான இப்படத்திற்கு கலவையான விமர்சனங்கள் கிடைத்து வருகிறது. முதல் பாகத்தை அப்படியே ரீமேக் செய்து வைத்துள்ளார்கள் என்ற விமர்சனமும் முன்வைக்கப்படுகிறது.

இந்நிலையில் படத்தின் முதல் நாள் வசூல் குறித்த தகவல் வெளியாகி உள்ளது. அதன்படி சந்திரமுகி 2 திரைப்படம் உலகளவில் ரூ. 13 கோடிக்கும் மேல் வசூல் செய்துள்ளது. இது சந்திரமுகி 2 படத்திற்கு கிடைத்துள்ள மாபெரும் ஓப்பனிங் என கூறப்படுகிறது.